الخرطوم: سكاي سودان
كشفت الاعلامية داليا الياس عن تلقيها دعوة واعلاميين أخرين لمؤتمر بالعاصمة المصرية القاهرة حول دور الاعلام في تطوير السياحة بالسودان، وأضافت: “عندما وصلنا القاهرة اتضح انها النسخة الثالثة من برنامج الكاميرا الخفية و”أكلنا المقلب”.
ودونت داليا على صفحتها بـ”فيسبوك”، قائلة:
“بالنسبة للناس القالوا سافرنا القاهرة نصوم رمضان وإستنكروا الحاجة دى رغم إنها حق أصيل من حقوقنا….
وللناس التانيين القالوا سافرنا شغل تبع المخابرات المصرية .
نحن رجعنا السودان الحمد لله… عشان عيالنا ومدارسهم ليس إلا…. وصايمين فى بلدنا رغم المعاناة على أمل إنو ربنا يعظم الأجر .
وسفرتنا للقاهرة كانت كلها ٤٨ ساعة بدعوى لمؤتمر حول دور الإعلام فى تطوير السياحة فى السودان…
وإتضح فى النهاية إنها النسخة الثالثة من برنامج الكاميرا الخفية (عليك واحد) .
وأكلنا المقلب و إتبهدلنا و(مازن تامر) عمل فينا البدع .
يلا إنتظرونا فى رمضان على سودانية ٢٤ عشان تشوفوا قصتنا مع حضرة الضابط (إبراهيم المصرى) .
غايتوا حتشوفوا المحن .
رمضا كريم عليكم….
ربنا يتوب علينا من البهتان والحسد والتنمر بحق الشهر الفضيل.”
التعليقات مغلقة.