الخرطوم : سكاي سودان
أدهش سودانيون مقيمون بمدينة الدمام السعودية ، طاقم مستشفى المانع بالدمام ، عندما توافدوا من كل حدب و صوب خلال ساعات محدودة ، إستجابة لمناشدة عبر مواقع التواصل الإجتماعي لحوجة مريض سوداني ل 70 زجاجة دم بحسب ما نقلت مصادر ، كما إنهالت الإتصالات على مرافقي المريض من قبل النساء و هن يبتهلن بالدعاء بالشفاء و يعرضن خدماتهن لمساعدته
. و كتبت إحداهن
إتصلت بالرقم و كفرت ليهم و قالو لي بنك الدم فاتح من 8 صباحا الي 8 مساءً و مشينا المستشفي ، عندما قابلنا مرافق المريض قال والله حضروا كمية من السودانيين يسدوا عين الشمس و خلال أقل من 24 ساعه إكتملت الـ 70 زجاجة دم ، لدرجة ما إحتاجوا يشيلوا مننا .
و أضافت السودانية المقيمة بالدمام : – لدرجة الموظفين بالمستشفي سألوا المرافق ديل كلهم أقرباؤك ، قال ليهم والله ما بعرف فيهم و لا زول بس ديل أهلي السودانيين .
و أضافت المقيمة : – طبيب مصري بالمستشفي علق ليهم إنتو مفروض يغيروا إسمكم من السودانيين للمتكافلين ، منظر يشهد الله يسر العين و يفرح القلب .
و تفاعلت قروبات مواقع التواصل الإجتماعي مع وقفة المقيمين السودانيين بالدمام بالمدح و الدعاء و الثناء على موقفهم الأصيل و الذي ليس بغريب على الشعب السوداني ، القومة ليك يا وطني .
التعليقات مغلقة.